श्री शिव मानस पूजा

 ॥ श्री शिव मानस पूजा ।।

रत्नैः कल्पितमासनं हिमजलैः स्नानं च दिव्याम्बरं, नानारत्नविभूषितं मृगमदामोदाङ्कितं चंदनम्।

जातीचम्पकबिल्वपत्ररचितं पुष्पं च धूपं तथा,

दीपं देव दयानिधे पशुपते हृत्कल्पितं गृह्यताम् ।।१।। 

सौवर्णे मणिखण्ड रत्न रचिते पात्रे घृतं पायसं,

भक्ष्यं पञ्चविधं पयोदधियुतं रम्भाफलं पानकम्।

शाकानामयुतं जलं रूचिकरं कर्पूरखण्डोज्जवलं,

ताम्बूलं मनसा मया विरचितं भक्त्या प्रभोस्वीकुरु ।।२।।

छत्रं चामरयोर्युगं व्यजनकं चादर्शकं निर्मलं,

वीणाभेरिमृदङ्गका हलकला गीतं च नृत्यं तथा।

साष्टाङ्गं प्रणतिः स्तुतिर्बहुविधा ह्येतत्समस्तं मया, 

सङ्कल्पेन समर्पितं तव विभो पूजां गृहाण प्रभो ॥३॥ 

आत्मात्वं गिरिजा मतिः सहचराः प्राणाः शरीरं गृहं, 

पूजा ते विषयोपभोगरचना निद्रा समाधिस्थितिः।

सञ्चारः पदयोः प्रदक्षिणविधिः स्तोत्राणि सर्वा गिरो, 

यद्यत्कर्म करोमि तत्तदखिलं दादाजी तवाराधनम् ।।४।।

करचरणकृतं वाक्कायजं कर्मजं वा, श्वणनयनजंवामानसंवापराधम्।

विहितमविहितं वा सर्वमेतत्क्षमस्व, 

जय जय करुणाब्धे श्री महादेव दादाजी॥५॥

      

दोस्तों यदि आपको यह जानकारी अच्छी लगी हैं और आप हमारे काम से खुश है तो आप हमें online Donate (दान) कर सकते है। Plese Click Here For Donate